KUO tukumai ‘e he kau Polisi ‘a e hingoa ‘o ha tangata ta’u 33 ‘a ia na’e mate ‘i Telekava, Kolomotu’a ‘i hano tāa’i ‘i he faka’osinga ‘o e uike kuo ‘osí.

Ko e tangata ni ko Sione Kasimea Lolohea ‘One’one.

Na’e ‘osi puke ‘e he kau Polisi ha ongo talavou ‘e toko ua, pea toe puke mo ha talavou ‘e taha, ‘a ia ko e toko tolu ia kuo puke fekau’aki mo e mate ‘a ‘One’one.

‘Oku pehē ‘e he ngaahi fakamatala na’e mate ‘a ‘One’one tupu mei ha kē mo ha fetā’aki na’e hoko ‘i he Tokonaki kuo ‘osí.

Na’e fai foki e fakatotolo’i ‘e he kau Polisi fekau’aki mo e mate ‘a ‘One’one, pea nau puke ai ‘a e ongo talavou ‘e toko ua.

Ko ‘Ulise ‘Ofa-ki-Neiafu, ta’u 18, mo ‘Aloisio Lolohea, ta’u 19, kuo faka’ilo kinaua ki he tamate tangata, pea kuo na teu hā ‘i he Fakamaau’angá.

Ko e toko tolu kuo tukuaki’í ‘oku kei tauhi kinautolu ‘i pilisone, ‘o tali hopo.

(29)

Facebook Comments