(Tonga Traditions Committee)

‘Oku pehē ‘e ha fakamatala mei he Komiti Anga Fakafonua ‘a Tonga, ‘oku matu’aki mahu’inga ke fai hano lekooti mo taukave’ ‘a e anga fakafonua ‘o Tongá (Tongan Culture).

   Ko e Komiti ni foki na’e fokotu’u ia ko e mā’imoa ‘a e La’a Kuo Unga Fonua, Kuini Salote Tupou III. Na’e hoko ‘a e anga fakafonua mo e tala tukufakaholo ko ha halanga mahu’inga ia ‘i he mā’imoa pule ‘a e Ta’ahine Kuiní.

   Na’e a’usia ‘e he Komiti ko ‘ení ha tumutumu ‘o e fatu e ngaahi me’a mahu’inga he anga fakafonua ‘o Tonga, pea ko e taimi foki ‘eni na’e ‘omai ai ‘e he Ta’ahine Kuini ‘a Nopele Ve’ehala ke taki he mā’imoa ni.

   Na’e hanga ‘e he Tu’i, Tupou VI, ‘o fili mai ‘a Faifekau Toketā ‘Ahio ke ne hoko ko e Sea, pea toe fakakau ki he Komiti ha toko 5, ko e kau memipa, ‘a ia ko Lord Vaea, Lady Fusitu’a, Tākapu, Faifekau Toketā Mohenoa Puloka, mo ‘Alematea Vaha’i ko e Sekelitali.

   ‘Oku mahu’inga ‘a e fakahoko ‘o e ngāue ‘a e Komiti ni, tautefito ki he taimi ‘oku fa’a lahi ai ‘a e tu’u fehangahanga ‘a e ngaahi me’a ‘oku hake mai ki he fonuá, mo e anga fakafonua faka-Tongá. Pea ‘oku toe mahu’inga foki ke langa hake ‘a e ‘ilo ‘a e hakotupu ‘o e fonuá he ko e taimi koee ‘oku ‘ikai ha ‘ilo ki ai, ‘oku ala ‘omai leva e ngaahi me’a kehe ke ne fetongi ‘a e anga fakafonua totonú.

(16)

Facebook Comments