NA’E lava lelei ‘i he uike kuo ‘osí ‘a hono fakahoko e takai hono ua ‘o e fe’auhi ‘akapulu liiki Jason Taumalolo Cup ‘a Tongatapú.

Kuo kamata ke manako ange ‘a e fe’auhi liikí, pea peh˚ foki ki he ‘ilonga ‘aupito mo e teuteu lahi ‘o e ngaahi timi kotoa ‘oku nau kau mai ki aí.

Ko e fe’auhi ‘akapulu ‘iunioni ‘a Tongatapú ‘oku teuaki ke fakahoko ia ‘i he ‘aho 7 ‘o ‘Epelelí, pea ko e tu’u ‘i he taimi ni, ko e tokolahi taha ‘o e tamaiki ‘oku nau kau ki he fe’auhi liikí, ko kinautolu p˚ ia ‘oku nau toe kau ki he fe’auhi ‘akapulu ‘iunioní ‘a e Vahe Tongatapú.

Kaikehe, ‘oku fai foki ‘a hono siofi makehe ‘o e timi fo’ou mei Ha’asini/Hamulá he na’e kamata ‘a ‘enau ‘asi haké ‘i he fe’auhi toko 7 ‘a Kolomotu’á ‘i he konga kimu’a p˚ ‘o e ta’ú ni, ‘a ia na’a nau ua fakakætoa ai   p˚ ki he Toloa Old Boys.

Ko e timi Kali Panthers ‘oku vave ‘aupito ‘a ‘enau ‘asi haké he ‘oku tokangaekina lelei mai ia ‘e Clement Mafi ‘Otutaha, pe ko hono toe tesi’i ia kinautolu ‘i he fe’auhi liikí.

Na’a nau ki’i veipæ ai mo e timi Toloa Old Boys ‘i he uike kuo ‘osí, pea ne ikuna e TOBs ‘i Ha’asini ko e 25-18, ‘i he tau matu’aki mælie mo fakaholomamata mo’oni ‘i he tau kæseté, he mala’e va’inga fika ‘uluaki p˚ ‘i Toloá.

Na’e kamata p˚ ‘o taki ‘a Toloa ko e 10-0 pea fakahoko ‘e Ha’asini e tulikai mælie mo’oni, ‘o a’u ki he’enau taki he konga ‘uluaki e tu’u’anga uá ko e 18-10 ‘a Toloa.

Ne toki fetongi vave’i ‘e Toloa e kaí ‘o nau tuli hake ai ‘o na mæhanga ko e tau’aki 18 he toe nai e miniti ‘e 10 pea ‘osi e taimi kakató.

Na’e toe ake mai ‘a Toloa ia ‘o toe fakahoko ai ‘e Toloa ia e fo’i tata’o ‘e taha ‘o nau taki ai ko e 24-18 pea toki sila’i ‘aki ha fo’i tolopu e feesi ‘a Toloá, ‘Atunaisa Latailakepa he momeniti faka’osí ‘o nau ikuna ai ko e 25-18 ‘a Ha’asini.

Ko e kapiteni mo e seniale ‘a Ha’asiní ko Mataiasi ‘Aholelei ka ko e seniale tutuku foki ia e TOBs.

Na’e fiefia ‘aupito ‘a e faiako ‘a e Toloa Old Boys , Siaosi ‘Atiola ‘i he’enau ikuna kafakafa ko ení, pea na’á ne peh˚ ke tuku p˚ e langilangí ki he Tamai Hevaní, ka ‘e kei hokohoko atu ai p˚ ‘a ‘enau teuteú ki he’enau ‘amanaki fetauali mo e timi fefeka Spartans mei Ha’ateiho ‘i he uike ni he tau mælie ia ‘e taha.

(10)

Facebook Comments